马上注册成为YANBONG会员吧！
时下最热门的资讯、娱乐、贴图等分享都在这里等你发掘哦！
您需要 登录 才可以下载或查看，没有账号？注册
×
我有個師兄屋企人同靈界好有緣份,所以佢屋企人喺佢好細個既時候就將佢送去我師傅度學野及同我師傅上契。
話說有一日佢個阿哥結婚,好多人都知道,結婚當日一朝早係要喺男家屋企同祖先上香既,但係甘岩,佢屋企人岩岩搬屋,所以仲未安裝祖先靈位,甘佢地就得過且過就無知會祖先佢個孫今日要結婚。
朝早一路都相安無事既,而且大家都開開心心甘辦喜事無為而新郎哥個阿爺一路都唔高興甘跟住佢地,(記住佢阿爺喺佢幾歲既時候已經過左身架),甘去到夜晚擺酒既時候,我同我師傅去度酒家既時候,第一眼就見到佢阿爺企左喺簽名O個度,甘我師傅就即刻捉住我師兄問佢知唔知佢阿爺黎左呀,佢就答唔知,但係我同我師傅都見到佢阿爺好似唔多友善甘樣,甘我師傅就向佢阿爺了解咩事,甘佢阿爺就一五一十話左俾我師傅知。
喺了解左件事之後,我師傅就提議喺擺完酒後再上返香敬返酒俾佢,佢都應承左,但係喺向嘉賓敬酒既時候就有事發生啦,唔知係咪佢阿爺真係非常唔高興定係咩事呢。
在常人眼中,喺一陣怪風吹黎既時候將好多野打爛晒,我師傅就第一時間走出黎控制住佢先,再問佢想點,佢就話點解依家D後生仔唔識得咩叫做孝道,要佢喺眾目睽睽之下向佢上香及敬酒,但係我師傅就同佢講話為免嚇親倒賓客,所以我師傅要求喺房入面做,佢話好,甘就即刻捉個新郎哥入房上香及敬酒俾佢阿爺,到完左了儀式之後佢阿爺就走左啦,我師傅就即刻教訓個新郎哥跟住就出返去招呼客人啦! |
