新加坡之旅

呢間舖頭係好出名架，出名到係我地一朝早定左位都要企左半個鐘頭先有位坐，食餐lunch都好似好艱辛啵! 同事話呢間既印尼菜好得而且又撞到香港過黎受訓既朋友都係呢到食，我估點都有d水準既。

首先一擺上檯就係一碟辣醬即場加入青檸汁，跟住就用薄脆片點黎食，如果你頂到辣既就會覺得好好食囉。你接受到係可以唔停口架。我地叫左好多野食，有炸豆腐（好得意架好高身，不過個汁好古怪）、咖喱雜菜、燒魷魚、燒雞（比較乾）、咖喱汁煮沙孟魚（超正！又嫩滑！）、蠶豆炒辣蝦（食完會口臭，所以我無食）、馬拉盞炒通菜（無香港個ｄ炒得咁香）、燒魚（我無食架因為好鐘意食個沙孟魚），所以唔得閒食呢碟！



我ｄ同事個個都好食得架，所以就算全部打孖上（即係每個餸兩碟）都一樣食得晒，仲有一個食左兩個飯添（係個好瘦既女仔），真係勁呀!



Pagi Sore Indonesia Restaurant

88/90 Telok Ayer Street

Far East Square Singapore 048470