新加坡之旅 – 手信篇

其實有咩野買呢，一來要返工又唔係去玩，二來新加坡真係無咩野可以買，不過c9van就話買美珍香雞肉乾，循例我都買左d仲有豬肉乾。至於少少辣既春卷就買俾男友夜晚睇波時食既。唯一買左一樣野俾自己食既就係菠蘿撻；印尼華僑都有架，不過就將菠蘿肉擺左係入便好似台灣既鳳梨酥咁，而美珍香就做到好似一朵花咁，真係好靚! 聽當地人講呢個小食只係農曆新年先有得食架，平日係無得賣而且海外既例如香港既店就無得賣架啦。

另外一個不可以錯過既shopping 地方就係機場免稅店，因為比較平而且又有好多都係限量版，出面counter都無既貨。本來想買Le MerCream，但係計過數都係香港平d。跟住就俾我發掘到Christian Dior淺色系列既EyeShadow只賣$330仲有6隻色，仲要隻隻色都啱用，真係有買就趁手啦。EyeShadow黎講CD既質地好，長時間都唔易化開，blending出黎好靚好自然，而且個面仲design到好似皮套咁，真係好抵買。