環球群星 - 人人英雄 （单曲）
陳慧琳（ Kelly）生完 BB後極速瘦身，已開始投入工作，近日佢聯同其他環球歌星包括譚詠麟、張學友、陳奕迅、李克勤同謝安琪（ Kay）等一齊做緊隻新碟，所有歌曲都係替港人輸入正能量。至於當日因涉嫌藏毒而被迫暫別娛樂圈嘅關楚耀（ Kelvin）都會為呢隻碟寫歌，為港人出一分力。隻碟將環球歌手分為唔同組合 crossover，至於邊個同邊個合作部分仲構思緊，其中定咗 Kelly會帶領所有女歌星合唱一首叫少女唔好援助交際嘅歌，主張保衞獨立思想同保護身體。其他合唱歌曲嘅主題就包括保衞家庭同保衞精神等。全部歌星仲會合唱一首叫《人人英雄》嘅歌，叫大家千祈唔好睇小自己，因為每個人都有自己嘅長處。除咗出碟外，成班歌星會喺 12月初喺亞洲博覽館演出一個叫「合唱造大力量」嘅音樂會，幾乎全部環球歌星都會參與，演唱會部份收入會用嚟做善事，咁樣既可以搞個大 party又可以做善事，一舉兩得。**** Hidden Message *****
页:
[1]