20年前的怪異經歷
以前我很喜歡打保齡球, 但一直都聽人講話保齡球場好猛同好多怪事, 唯有聽了便算.20年前的保齡球場比較簡陋及暗, 當然不同依家 D 設備o甘先進同光猛啦, 又走燈, 又音樂o甘.
記得當日是平日下午時間, 我同朋友走去葵芳保齡球場(已拆)碌齡, 因為平日下午, 所以人很少,無o甘迫.打完之後一定成手油墨,所以便去厠所洗手及放水.
個厠所當昤無人但很光猛, 可能驚暗得滯D人射不中掛。
我習慣去厠所不論大小都入厠格, 所以洗完手便去推開D門, 但奇怪所有門都推不開 (大約有10個厠格左右),心唸可能個場D人唔想清潔o甘多掛, 便唯有在"廖"坑放水o羅........................當正在水到渠成之際,厠所所有燈都熄晒, 黑到手指都見唔到, 心唸唔係"OR"緊廖先俾我撞鬼呀, 成身都震晒 (唔係廖震),好驚, 驚到想叫出黎,最慘係重"OR" 緊, 走又走唔到, 於是便大聲講, 我路過去厠所, 唔好玩我呀..........(真唔知點解識講呢D野,可能自然反應啦),過左2,3秒, D燈光返晒, 個心即時定番d, "OR"完便立即走人啦, 臨走係鏡見到有5-6格厠格D門開晒,嚇到我彪出厠所................
出到去見到朋友, 問佢地個場有無停電或跳燈, 佢地又話無...........厠格原先都無人用, 因推門時入面都無聲, 但後尾又開晒門，之後都無再去個場打波。
依個係我親身經歷, 唔係故仔, 可能大家覺得唔係鬼, 無緊要, 只係想同大家分享下自己o既怪異經歷..........
页:
[1]