同性戀殺人王米高盧保
一個人生得靚仔，有時真係好麻煩，太多人鍾意自己，畀人捧到上天，太過飄飄然的話，人會開始胡思亂想，覺得自己係人中之龍，愈想愈癲，容易走進死胡同，隨時會變成連環殺手。在八十年代中期，英國就出現了一個非常靚仔嘅同性戀連環殺手，對性虐待極之拿手，令人不寒而慄。米高盧保（Michael Lupo）天生英俊瀟灑，無論男女都覺得佢有型有款，盧保本身係同性戀者，加上佢係時裝店經理，經常接觸到唔少名人。亦有唔少貪慕虛榮嘅少男少女，見盧保咁型仔，主動親近，令盧保每日都要花不少時間來應付狂蜂浪蝶。
性虐得到快感
盧保的社交圈子多數以名流為主，名人乜都玩過，所以有時會玩得比較變態，特別有一些玩開性虐待嘅名人，往往會請一些平價亞洲青年作為性虐待嘅對象。唔知係咪盧保見得多之故，所以正常嘅性交已經滿足唔到佢，而性虐待就係佢唯一可以得到高潮嘅方法。
盧保如果踢足球嘅話，相信佢一定會多擁躉過碧咸，事關盧保有成四千個同性戀性伴侶，一日一個，十年都玩唔晒，盧保覺得搵伴侶實在太過容易，於是決定要玩得勁些。盧保醉心研究性虐待嘅方法，經佢研究數十本書籍之後，終於發現有一招最厲害嘅絕招，於是佢就搵咗其中一個愛人，當時二十四歲嘅東尼來試驗。
兩個人經過一輪前戲之後，盧保就使出絕招，利用開山刀將東尼的陰囊一刀一刀咁割開，變成一條一條闊條麵咁款，然後就用手按摩睪丸。試問咁得人驚嘅虐待方法，又邊有人可以頂得順，於是東尼企圖逃走，但係盧保由於性興奮太過激烈嘅關係，竟然生出一股力氣，用絲巾將東尼活活勒死。
絲巾成破案關鍵
盧保食過翻尋味，於是繼續佢製作闊條麵嘅大行動，連同東尼在內，一共有四名男士慘遭盧保毒手，而有兩名則有幸逃出魔爪。警方於是進行大規模追查行動，由於死者都有肛交過的痕跡，於是警方就從同性戀者方面着手調查。勒死東尼嘅絲巾成為咗整件案嘅關鍵，因為有不少同性戀者都知道盧保平時非常鍾意用絲巾，更有同性戀者話認得呢條絲巾係屬於盧保所有。
警方立即拘捕盧保，透過科學鑑證，證實死者身上嘅衣物纖維同盧保嘅衣物非常敏合，盧保呢次真係跳落黃河水都洗唔清。盧保惟有和盤托出，承認自己謀殺咗四名性伴侶，以及兩項企圖謀殺，最終被判終身監禁。唔知咁靚仔嘅盧保，在監獄會唔會好受歡迎呢？
米高盧保檔案
綽號：英俊殺人王
出生日期：1953年
殺人地點：倫敦
殺人數目：4人
殺人時段：1986年3至月4月
殺人手法：扼殺、勒死及性虐待
好变态哦。。。:yct77 wow...好靓仔哦
页:
[1]